भारतीय टपाल विभागाच्या माध्यमातून स्वातंत्र्याचा अमृत महोत्सव साजर
भारतीय टपाल विभागाच्या महाराष्ट्र मंडळातर्फे 9 ते 16 ऑक्टोबर 2021 या कालावधीत राष्ट्रीय टपाल सप्ताह आणि स्वातंत्र्याचा अमृत महोत्सव साजरा बर्न येथे मुख्यालय असलेल्या युनिव्हर्सल पोस्टल युनियन या संघटनेच्या स्थापनेचा वर्धापन दिन साजरा करण्यासाठी दर वर्षी 9 ऑक्टोबरला जागतिक टपाल दिवस साजरा केला जातो. भारतीय टपाल मंडळाच्या वतीने 9 ऑक्टोबर ते 16 ऑक्टोबर 2021 या कालावधीत राष्ट्रीय टपाल सप्ताह आणि स्वातंत्र्याचा अमृत महोत्सव साजरा करण्यात आला. महाराष्ट्र मंडळाचे मुख्य पोस्ट मास्तर जनरल एच.सी.अग्रवाल यांनी काल मुंबईत वार्ताहर परिषदेचे आयोजन केले होते. राष्ट्रीय टपाल सप्ताहानिमित्त महाराष्ट्र मंडळाने आयोजित केलेल्या विविध उपक्रमांबद्दल तसेच टपाल विभागाच्या विविध सेवांबाबत महाराष्ट्र मंडळाने केलेल्या कामगिरीची माहिती यावेळी देण्यात आली. टपाल खात्याच्या अर्थ विभागाचे महाव्यवस्थापक विजय कुमार तसेच महाराष्ट्र विभागाच्या टपाल सेवा संचालक कैय्या अरोरा हे देखील या वार्ताहर परिषदेला उपस्थित होते. राष्ट्रीय टपाल सप्ताह आणि स्वातंत्र्याचा अमृत महोत्सव या उपक्रमांमध्ये...